الزعيم عضو مميز
عدد الرسائل : 92 العمر : 42 تاريخ التسجيل : 02/02/2008
| موضوع: صدقينى خفت منك الخميس مارس 20, 2008 7:37 pm | |
| صدقينى خفت منك رغم إنك برضه أمى وإن همك هو همى وإنى م المفروض يامصر دوغرى أشعر بالأمان لما حضنى يبات فى حضنك بس والله صدقينى وأعذرينى خفت منك أيوه والله خفت منك لما شفت الظلم سايد والفساد على بيضه راقد كل يوم يفقس ويكبر والهموم فى قلوبنا تكتر وأنتى برضو زى مانتى فاتحه للكل دراعاتك اللى صهين واللى صاينك اللى حافظ واللى خاينك اللى إيده نضيفه زيك واللى عاش العمر كله ينهبك يلهف فى رزقك كلهم يتساووا عندك صدقينى خفت منك رغم إنك لسه وخدانى فى حضنك اعذرينى خفت منك وإفتكرك شاعرنا لما فى مرة قالك يا بلدنا يا بلد " هو من امتى الولد بيخاف من أمه لما فى الضلمه تضمه خفت منك صدقينى " وإفتكرتك إفتكرتك وأنتى ساكته ع اللى ظالمنى وظالمك اللى هاينى وهاينك اللى بيموت نهارك واللى عيّب بكره عنك أنتى ساكته وفاتحه للكل دراعاتك لما قطر المجد فاتك ليا عندك ألف حق إنى أصرخ بأعلى صوت وأنخلع يوم م السكوت حتى لو هأصرخ وأموت حتى لو كنتى تلومينى أعذرينى خفت منك خفت منك صدقينى | |
|
القيصر المديرالعام
عدد الرسائل : 511 العمر : 34 تاريخ التسجيل : 23/01/2008
| موضوع: رد: صدقينى خفت منك الجمعة مارس 21, 2008 1:10 am | |
| رائع لكن ينقل للقسم المناسب | |
|
Queen مشرفة قسم شئون حوّاء
عدد الرسائل : 207 العمر : 33 تاريخ التسجيل : 02/02/2008
| موضوع: رد: صدقينى خفت منك السبت مارس 22, 2008 12:44 pm | |
| - الزعيم كتب:
رغم إنك برضه أمى وإن همك هو همى وإنى م المفروض يامصر دوغرى أشعر بالأمان لما حضنى يبات فى حضنك
صدقينى
رائع يا زعيم بس مصر متستاهلش كل ده الغلط مش فى مصر لكن الغلط فى اللى حاكمين مصر | |
|
امبراطور الرومانسية عــضـو رائـــع
عدد الرسائل : 228 العمر : 35 تاريخ التسجيل : 19/03/2008
| موضوع: رد: صدقينى خفت منك الخميس أبريل 03, 2008 1:50 am | |
| يا جدعان مصر اغني دولة في العالم شوفوا بتتسرق من سنه كاااااااااااام؟؟؟
وبسم الله ما شاء الله لسه فيها خير ياجدعان احنا عاوزين نحرر مصر من الناس اللى خانقيننا من الناس اللى بيسرقوا حقنا و اكلنا و شربنا تحياتي امبراطور الرومانسية | |
|